ევროპის ლიგაზე აზერბაიჯანული გუნდების რიგებში გუშინ ორივე ქართველი ვიხილეთ. 

”ყარაბაღმა” შინ 4:1 გაანადგურა სკოპიეს ”მეტალურგი”. მასპინძელტა რიგებში 90 წუთის განმავლობაში გიორგი ადამია ირჯებოდა, რომელმაც დამატებულ წუთებზე მეოთხე გოლი გიატანა და აზერებს ისტორიული გამარჯვების მოპოვებაში დაეხმარა (აქამდე ყველაზე დიდი ანგარიშით ევროტურნირებზე აზერბაიჯანულ გუნდებს 3:0 ჰქონდათ მოგებული, ისიც მოწინააღმდეგეს ტექნიკური წაგება ჩაუთვალეს). 

90 წუთი ითამაშა ”ხაზარის” ახალწვეულმა დავით იმედაშვილმაც, რომლის გუნდმაც გასვლაზე მოლდოვის ”ოლიმპიასთან” ფრედ, 0:0 ითამაშა. იმედაშვილი მატჩის ერთადერთი ფეხბურთელი იყო, რომელიც გააფრთხილეს.

championat.ge