ჩათი |
სხვა საიტის დარეკლამების ან უცენზურო სიტყვის გამოყენების შემთხვევაში დაგედებათ ბანი
|
|
|
|
მთავარი » 2010 » ნოემბერი » 9 » 9 თებერვალს ლუქსემბურგს ვეთამაშებით?
17:40 9 თებერვალს ლუქსემბურგს ვეთამაშებით? |
ფეხბურთის ფედერაციის ტექნიკური დეპარტამენტი ჩვენი ეროვნული და
ასაკობრივი ნაკრები გუნდებისთვის ამხანაგური მატჩების ორგანიზებაზე
მუშაობას აგრძელებს. თავდაპირველად, კვიპროსის საერთაშორისო ტურნირზე
ჩვენი ეროვნულის მონაწილეობის საკითხი განიხილებოდა, მაგრამ კუნძულელებთან
შეთანხმება არ შედგა.
კვიპროსის ვარიანტის გამორიცხვის შემდეგ, 9
თებერვალს უნგრეთის ნაკრებთან გასვლითი ამხანაგური შეხვედრის ჩატარების
საკითხიც განიხილებოდა, მაგრამ უნგრელებთან შეთანხმებაც არ შედგა.
ფეხბურთის ფედერაციის ტექნიკურ დირექტორ ნიკა ჩხეიძის თქმით, ლუქსემბურგის
ნაკრებთან ამხანაგური მატჩის ჩატარების საკითხი აქტიურად განიხილება.
ჩვენი ინფორმაციით, ლუქსემბურგელებთან მცირედი დეტალები დარჩა
შესათანხმებელი.
ამჟამინდელი ვითარებით, დიდი შანსია 9 თებერვალს ლუქსემბურგისა და ჩვენი ეროვნული გუნდების ამხანაგური მატჩი შედგეს.
ვნახოთ,
რას წარმოადგენს ჩვენი პოტენციური სპარინგ პარტნიორი. ლუქსემბურგის
ნაკრებს ადგილობრივი მწვრთნელი მიშელ ნი ხელმძღვანელობს. ევრო 2012-ის
საკვალიფიკაციო ეტაპზე ლუქსემბურგის ნაკრები ჯგუფში საფრანგეთის,
ბელარუსის, ალბანეთის, ბოსნიისა და რუმინეთის შემდეგ, 1 ქულით, ბოლო, მე-6
ადგილზეა. მიშელ ნის გუნდმა ოქტომბერში ორი მატჩი გამართა, საფრანგეთთან
სტუმრად 0:2 დამარცხდა და ბელარუსს შინ 0:0 ეთამაშა. ფიფას ოქტომბრის თვის
რეიტინგში ლუქსემბურგი 135-ე ადგილზეა. ჩვენი ეროვნული გუნდი აქამდე ორჯერ
ეთამაშა ლუქსემბურგის ნაკრებს და ორივეჯერ სტუმრად და თანაც ამხანაგურ
შეხვედრაში - 2001 წელს ჩვენმა ეროვნულმა ბენილუქსში 3:0 მოიგო, 2007 წელს
და კლაუს ტოპმიოლერის ფორმაციის გუნდი 0:0-ს დასჯერდა.
|
ნანახია: 781 |
დაამატა: Administrator
| რეიტინგი: 0.0/0 |
|
|
რეკლამა |
|
|
|