საქართველოს 13-წლამდელთა ნაკრები 21 მაისს გერმანიაში გაემგზავრება და ბრემენის საერთაშორისო ტურნირში ითამაშებს. მატჩები 23-24 მაისს გაიმართება.

ტურნირში ოთხ ჯგუფად დაყოფილი 16 გუნდი მონაწილეობს. ჩვენებურთა ჯგუფში არიან: ”ვოლფსბურგი”, ”ჰანზა” და ”ვიტესი”. მერვედფინალში ყველა გუნდი გადის, მერე კი წაგებულებიც  ერთმანეთს შეხვდებიან, რათა ტურნირში თითოელი გუნდის ადგილი გაირკვეს.

მატჩები სტანდარტული ზომის მოედანზე გაიმართება, ტაიმები 15-წუთიანი იქნება.

საქართველოს 13-წლამდელთა ნაკრები (მთავარი მწვრთნელი ნოდარ აკობია) ბრემენში ასეთი შემადგენლობით მიდის:

მეკარეები: ოთო გოშაძე, ნიკა ადეიშვილი

მცველები: გიორგი ადამია, ირაკლი კამლაძე, ნიკა კევლიშვილი, გიორგი ახალაძე, გიორგი აბულაშვილი

ნახევამცველები: რატი კაკიაშვილი, ნიკა ქორიძე, ნიკა ლაშხია, ვატო არველაძე, ირაკლი ჟვანია, გურამ გოშთელიანი, გუგა ფირცხალავა

თავდამსხმელები: საბა ცინცქელაძე, დიმიტრი თუთბერიძე, გიორგი წივილაშვილი, ირაკლი კომახიძე